اسلام آبادکیپیٹل پولیس انسداد دہشتگردی ڈیپارٹمنٹ کا تھانہ سبزی منڈی کے مختلف علاقوں میں سرچ اورکومنگ آپریشن

نظام عدل نیوز/اسلام آبادکیپیٹل پولیس انسداد دہشتگردی ڈیپارٹمنٹ کا تھانہ سبزی منڈی کے مختلف علاقوں میں سرچ اورکومنگ آپریشن،

سرچ آپریشن کے دوران 31 مشکوک افراد اور 51 غیر ملکیوں کوجانچ پڑتال کیلئے تھانہ منتقل کیا گیا ، سرچ آپریشن کا مقصد وفاقی دارلحکومت کی سکیورٹی کو مزید موثر بنانا اور شہریوں کی جان ومال کا تحفظ کرنا ہے۔

تفصیلات کے مطابق اسلام آباد کیپیٹل سٹی پولیس آفیسر ڈاکٹر اکبر ناصر خاں کے خصوصی احکامات پراسلام آباد کیپیٹل پولیس کا جرائم کے انسداد اور جرائم پیشہ عناصر کی سرکوبی کیلئے مختلف علاقوں میں سرچ اورکومنگ آپریشنز کا سلسلہ جاری ہے، اس سلسلے میں اسلام آباد کیپیٹل پولیس انسداد دہشتگردی ڈیپارٹمنٹ نے تھانہ سبزی منڈی کے مختلف علاقوں میں سرچ اورکومنگ آپریشن کیا،سرچ آپریشن میں سی ٹی ڈی ،ایف سی اورمقامی پولیس ٹیموں نے حصہ لیا،سرچ آپریشن کے دوران 31 مشکوک افراد اور 51 غیر ملکیوں کوجانچ پڑتال کیلئے تھانہ سبزی منڈی منتقل کیا گیا،آئی سی سی پی او ڈاکٹر اکبر ناصر خاں نے کہا کہ سرچ آپریشن کا مقصد وفاقی دارلحکومت اسلام آباد میں جرائم پیشہ عناصر کے گرد گھیرا تنگ کرنااور شہر بھرمیں سکیورٹی کو مزید موثر بنانا ہے، سرچ آپریشنز ضلع بھر کے مختلف علاقوں میں کئے جارہے ہیں،انہوں نے مزید کہا کہ اسلام آبادکیپیٹل پولیس کا جرائم پیشہ عناصر، قبضہ مافیا اور منشیات فروشوںکیخلاف بلا تفریق کاررائیوں کا سلسلہ جاری ہے، شہریوں سے بھی گزارش ہے کہ کسی بھی مشکوک سرگرمی کے متعلق متعلقہ تھانہ یا" پکار-15 "پر اطلاع دیں، تاکہ پولیس اور عوام کے باہمی تعاون سے شہر کوجرائم سے پاک کیا جاسکے،کسی بھی عناصر کو شہریوں کے امن میں خلل ڈالنے کی اجازت نہیں دی جائے گی، شہریوں کی جان و مال کا تحفظ اسلام آباد کیپیٹل پولیس کی اولین ترجیح ہے۔