23جنوری2024
راولپنڈی (نظام عدل نیوز ) سٹی ٹریفک پولیس راولپنڈی نے ملکہ کوہسارمری آنے والے سیاحوں کیلئے 5نکاتی ٹریفک ایڈوائزری جاری کر دی ہے اورکسی بھی معاملہ میں معلومات کے حصول کے لئے سیاحوں کو ٹریفک پولیس کی ہیلپ لائن سے رابطہ کرنے کی ہدایت جاری کر دی گئی ہے چیف ٹریفک افسر تیمور خان نے اس حوالے سے بتایا کہ موجودہ موسمی حالات، خاص طور پر شدید دھند کی وجہ سے، ڈرائیوروں کی حدِ نگاہ نمایاں طور پر کم ہوجاتی ہے جس سے سڑکوں پر ممکنہ خطرات کا اندیشہ بڑھ جاتا ہے اس سلسلہ میں سٹی ٹریفک پولیس نے تمام سڑک استعمال کنندگان سے انتہائی احتیاط برتنے اور اپنی اور دوسروں کی حفاظت کے لئے 5نکاتی ایڈوائزری جاری کی ہے جس میں ڈرائیوروں پر زور دیا گیا ہے کہ وہ اپنی رفتار کو محفوظ ترین حد تک کم اور آگے کی گاڑی سے محفوظ فاصلہ برقرار رکھیں دھند حدنگاہ کو محدود اوراچانک رکاوٹوں یا ٹریفک کے حالات میں تبدیلیوں پر ردعمل ظاہر کرنا مشکل بنا دیتی ہے اس بات کو یقینی بنائیں کہ آپ کی گاڑی کی فوگ لائٹس صحیح کام کرنے کی حالت میں ہیں اور ان کا مناسب استعمال کریں یہ لائٹس دوسرے ڈرائیوروں کوآنکھوں میں چبھے بغیر دھند کے حالات میں حدِ نگاہ کو بہتر بنانے کے لیے ڈیزائن کی گئی ہیں آگے والی گاڑی سے محفوظ فاصلہ برقرار رکھیں تانکہ اچانک بریک کی صورت میں ردعمل ظاہر کرنے کے لئے درکار وقت مل سکے انتہائی کم حدِ نگاہ میں اپنی گاڑی کو سڑک پر دوسروں کے لئے نمایاں بنانے کے لئے ڈبل انڈیکیٹرز یا ہیزرڈ لائیٹس کا استعمال یقینی بنائیں اور دوسرے ڈرائیوروں کیلئے الجھن یا پریشانی کا سبب مت بنیں جب تک بالکل ضروری نہ ہو دوسری گاڑیوں کو اوور ٹیک کرنے سے گریز کریں کم حدِ نگاہ آنے والی ٹریفک کا اندازہ لگانا مشکل بناتی ہے، جس سے حادثات کا خطرہ بڑھ جاتا ہے اپنے سفر پر جانے سے پہلے موسم کی پیش گوئی اور سڑک کے حالات سے باخبر رہیں اسی کے مطابق اپنے سفر کی منصوبہ بندی کریں، اور اگر حالات خراب ہوتے ہیں، تو غیر ضروری سفر میں تاخیر پر غور کریں ٹریفک سگنلز، سڑک کے اشاروں اور لائن و لین پر سختی سے عمل کریں یہ کم حدِ نگاہ میں اور بھی زیادہ اہم ہو جاتے ہیں کسی بھی ہنگامی مدد کے لئے یا ٹریفک سے متعلقہ مسائل کی اطلاع دینے کے لئے سٹی ٹریفک پولیس راولپنڈی کی ہیلپ لائن(051-9269200)پر رابطہ کریں محفوظ رہیں اور ذمہ داری سے ڈرائیو کریں۔
0 Comments